LAOAG CITY – Nagpanawagan ni United States Secretary of Defence Pete Hegseth iti North Atlantic Treaty Organization (NATO) a nayonan ti kontribusionda.
Daytoy ket adda ti pakainaiganna iti panangtulong ti North Atlantic Treaty Organization kadagiti pagilian a sumangsango iti riribok kas ti Ukraine.
Inpetteng nga adda ti dakkel nga akem ti North Atlantic Treaty Organization ken dagiti European members daytoy para iti pannakaitandudo ti kinakappia.
Nakitaripnong ti United States Defense Secretary iti North Atlantic Treaty Organization maysa nga aldaw kalpasan a kinasaritana ti telepono ni United States President Donald Trump da Russian President Vladimir Putin ken Ukrainian President Volodymyr Zelensky tapno naan-anay a malpasen ti riribok.
