LAOAG CITY – Mangipataw ti Estados Unidos ti 104 a porsiento a taripa kadagiti sumagmamano a produkto nga aggapu idiay China.
Segun ken ni White House Press Secretary Karoline Leavitt, daytoy nga addang ket kalpasan a saan a nadanon ti China ti deadline nga inpaay ni United States President Donald Trump nga ikkaten ti retaliatory tariff-da idiay Estados Unidos.
Inbatadna nga adda ti 70 a pagilian ti manarimaan ti pannakinegosasionna iti Estados Unidos mainaig iti taripa.
Inlawlawagna a ni Trump laeng ti addaan ti bileg iti desision no ikkaten wenno kissayan dagiti immuna a naipataw a taripa kadagiti pagilian.
Maipalagip a naruay a pagilian ti arig bimmales ken nangipataw ti nangato a taripa kadagiti produkto nga aggapu iti sabali a pagilian.
