LAOAG CITY – Nagballaag ti Estados Unidos iti Oman kontra iti aniaman nga addang a mangipataw ti toll wenno panagbayad iti panagdalyasat iti Strait of Hormuz ken kunana a mapatawan ti pannusa ti asinoman nga agbalin a kabinnulig iti nasao a plano.
Iti maysa a post iti X, inbatad ni United States Treasury Secretary Scott Bessent nga agresibo a tiliwen ti ahensia dagiti indibidual wenno grupo a direkta wenno saan a direkta a karaman iti panangipatungpal ti toll iti nasao nga Strait.
Kabayatanna, inrakurak ni United States President Donald Trump nga awan ti maymaysa a pagilian ti nasken a maaddaan ti kontrol iti Strait of Hormuz a maysa kadagiti kapapatgan a pagnaan ti langis iti intero a lubong.
Binallaagan pay ni Trump ti Oman maipapan iti nasao a banag iti baet ti nabayagen a panagkaduada iti militar ken ekonomia ti dua a pagilian.
