Inbatad ti Estonia a paserraan da ti border crossings iti Russia manipod Disyembre 1 kalpasan nga inakusaran da ti Moscow nga adda iti likudan ti gandat a panangpuur iti pagaramidan ti drone.
Inpetteng ni Prime Minister Kristen Michal a ti pannakaserrek ti pasilidad iti siudad ti Tallinn ket paset ti inawagan na a panangpalawa ti Russia ti “broader hybrid war” kontra iti Europa.
Inpakaammo ni Michal a naarestar dagiti suspek a dagitoy ket agpapada a Latvian.
Kuna na sinerrek dagiti suspek ti pasilidad ken ginandat da a puuran babaaen ti panagusar da ti flammable liquids.
Mainaig iti daytoy, inpaganetget ti Moscow a ti alegasyon ket awan ti pagibasaran na ken inakusaran na ti gobierno ti Estonian nga agar-aramid ti pader iti nagbaetan da kadagiti kaparanget na a pagilian.
Ti pasilidad ket iwanwanwan ti Threod Systems ken agar-aramid kadagiti attack and reconnaissance drones, no sadinno a karaman ti Ukraine ken dagiti estado a miembro ti National Treat Organization a nailista kas customers iti website na.
Inpalgak met ni Foreign minister Margus Tsahkna a ti panangpaserra da ti border crossings ket mangipababa ti abilidad ti Russia nga agipatungpal kadagiti hostile activities iti Estonia.









