LAOAG CITY – Binalakadan ni Mrs. Shirley Caday Agsunod, ti Principal ti Ilocos Norte College of Arts and Trades (INCAT) ti estudyante a nagpakleb iti nadadael nga imburnal nga arig na napaltogan.
Daytoy ket kalpasan a naalarma ken dagus a nagturong dagiti nagannak ti Grade 8 nga estudyante kalpasan a nakita da ti ladawan ti anak da.
Segun kenni Agsunod, saan a pudno a napaltogan ti estudyante nu diket nagpakleb laeng iti nadadael nga imburnal ken nagpapicture kadagiti kakadwa na.
Mangnamnama ti principal a saanen nga uliten ti estudyante ti inaramid na gapu ta mangipaay laeng ti panagbuteng dagiti dadduma nga estudyante ken nagannak.
Inbatad na a natalged ti pagadalan gapu ta adda dagiti gwardya nga agbanbantay.
