LAOAG CITY – Maawaten dagiti estudyante a nanggundaway iti Special Program for the Employment of Student (SPES) ti kapitolyo probinisyal ti suweldo da manipud iti Dept. of labor and Employment (DOLE).
Inpakaammo ni Mrs. Ann Marie Lyzette Bitancor Atuan, mangidadaulo ti Public Employment Service Office (PESO) nga inton Oktobre 28 nga awaten dagiti estudyante ti 40 a porsiyento ti nayon a suweldo da iti panagtrabaho da itay napalabas a “summer”.
Inlawlawag na a nakurang nga uppat a ribo a pisos ti awaten ti tumunggal maysa kalpasan nga immunan nga inted ti kapitolyo ti 60 a porsiyento a binglay da.
Innayon na a naibayag ti pannakaited ti suweldo dagiti estudyante gapu ta adda dagiti kurangkurang a dokumento a kasapulan ti DOLE manipud kadakuada.
Maipalagip nga umab-abot ti 300 nga estudyante ti nanggundaway iti SPES program ti kapitolyo.
