LAOAG CITY – Mangiyuswat dagiti European leaders ti emergency summit seknan iti gubat ti Ukraine inton sumaruno a lawas.
Daytoy ket kas sungbat ti tignay ti Estados Unidos maipanggep iti peace talks-da iti Russia.
Manamnama nga agatendar ni Keir Starmer iti nasao a summit idiay Paris.
Inbatadna nga once-in-a-generation moment daytoy para iti national security.
Inlawlawagna a masapol ti dakdakkel nga akem nga aramiden ti North Atlantic Treaty Organization.
Mainaig iti daytoy, basar kadagiti European leaders pagsasaritaan ti Estados Unidos ken Russia maipanggep iti panagleppas ti gubat.
Kabayatanna, inrakurak ti White House nga adda ti panagtaripnong dagiti Russian ken Ukrainian negotiators idiay Saudi Arabia kadagiti sumaruno nga aldaw.
