LAOAG CITY – Inkabil ni Mayor Francisco “Isko” Moreno Domagoso iti heightened alert dagiti evacuation center, ospital ken health center iti siudad ti Maynila ita nga aldaw, ken idinto nga agtaltalinaed a silulukat dagiti amin a district welfare offices para kadagiti naapektaran a residente.
Iti baet daytoy, agtaltalinaed iti Red Rainfall Warning ti intero a Metro Manila kalpasan a nairekord dagiti sensor ti napigsa agingga iti nakaro a panagtudo manipud itay alas-5 ti bigat.
Tapno maprotektaran dagiti residente kontra iti leptospirosis gapu iti panaglayus, nangikabil ti lokal a gobierno ti siudad dagiti kapsula ti Doxycycline iti 44 a health center ken kadagiti pito a public hospitals.
Malaksid iti daytoy, binilin pay ti Mayor dagiti kameng ti dagiti ospital ken opisial ti barangay ti panang-monitor-da kontra kadagiti sakit a maala manipud iti panaglayus.
Kabayatanna, agtultuloy ti panangiwaywayatda ti declogging kadagiti estero ti 896 a barangay kas paset ti panangsurotda iti Executive Order No. 3.
