LAOAG CITY – Nagpiyansa ti ₱90,000 ni dati a Public Works Secretary Manuel Bonoan iti Sandiganbayan Second Division tapno makaala ti temporario a pannakawayawayana mainaig iti kaso a graft a naipila kontra kenkuana.

Inbatad ni Sandiganbayan Presiding Justice Geraldine Econg a nakapiyansa ni Bonoan iti kaso nga adda ti pakainaiganna iti maipagarup nga anomalya iti flood control projects.

Immuna iti daytoy, nagpiyansa met ti ₱90,000 ni Senador Jinggoy Estrada para iti kapada a kaso iti kapada nga aldaw.

Agpada a sumangsango da Bonoan ken Estrada iti maysa pay a kaso ti graft ken plunder iti Sandiganbayan Fifth Division.

Basar iti Ombudsman prosecutors, ni Estrada ket maipagarup a nakaawat ti agingga ₱573 milyon a kickbacks manipud iti flood control projects iti tulong ti uppat pay a padana nga akusado pakairamanan ni Bonoan. 

RELATED ARTICLESMORE FROM AUTHOR