LAOAG CITY – Natay ni dati a Department of Public Works and Highways (DPWH) Undersecretary Catalina Cabral kalpasan a nabirukan iti nauneg a paset ti Kennon Road iti Tuba, Benguet.
Basar iti inisyal nga imbestigasyon dagiti otoridad, agturong ni Cabral idiay La Union ngem apaman a nakadanun iti Maramal, Camp 5,Camp 4 ket nagpabati daytoy iti pasado alas tres ti malem idi kalman, Disyembre 18.
Sinublianan daytoy ti driver na iti pasado alas-5 ti malem ngem saannan a makita ti dati a DPWH official.
Apaman a nadanun ti alas-siete ti rabii ket nagpatulong daytoy iti PNP ken ditoyen a nakita nga awanen ti biag ni Cabral iti derraas nga addaa ti kauneg a 30 a metro.
Kadwa ni Cabral kadagiti inrekomendar ti Independent Commission for Infrastructure (ICI) a makasoan gapu iti pannakairaman na kadagiti maanomalya a flood control projects.
Gapu ti daytoy, binilin ti Office of the Ombudsman ti Benguet Police nga idulin dagiti gadget kas ti cellphone ni Cabral.
Agtultuloy ti imbestigasyon dagiti otoridad iti napasamak nga insidente.
