LAOAG CITY – Kinumpirmaran ni Department of the Interior and Local Government (DILG) Secretary Jonvic Remulla nga agtalinaed iti infirmary ti Quezon City Jail iti Payatas ni dati a House Speaker Martin Romualdez kalpasan a maiyakar daytoy idi rabii, Setiembre 14.
Segun ken ni Remulla, kadwa ni Romualdez iti saan nga airconditioned a kwarto ti tallo pay a regular a person deprived of liberty (PDL).
Mainaig iti daytoy, nakadepende met iti doktor ti Philippine General Hospital ti kinabayag nga agtalinaed daytoy iti nasao nga infirmary.
Inbatad ni Remulla nga awan ti kadwana a personal nurse ken doktor ti BJMP iti agdama a mangkitkita iti kondision ni Romualdez.
Ngem nupay kasta, kunana a mabalin a bumisit ti personal a doktor daytoy manipud ala-1:00 ti malem agingga alas-5 ti malem, malaksid laeng ti aldaw ti Lunes.
