LAOAG CITY – Nakaawat ti libre a taraon dagiti fans ti maysa nga ay-ayam ti Royals iti Kansas City kalpasan a nagballigi da a nangikabil ti higante nga inflatable hotdog iti maysa nga higante nga inflatable bun iti uneg laeng ti awan pay 35 a segundo.
Ti “Home Bun Race” ket pakairamanan ti maysa nga higante nga inflatable hotdog ken maysa nga higante nga inflatable bun a naiyuswat iti nagduduma a paset dagiti stand iti Kauffman Stadium kabayatan ti ay-ayam kontra iti Toronto Blue Jays.
Naikkan ti 35 a segundo dagiti fans tapno ikabil ti higante nga hotdog iti higante a bun.
Naileppas ti naidumduma nga ay-ayam iti uneg ti naikeddeng nga oras a naggiikkisan dagiti agbuybuya, no sadinno a nabunungan amin dagiti agbuybuya ti libre nga hotdog.
Iti nasao nga ay-ayam ket naabak ti Royals iti Blue Jays iti iskor a 4-3.
