LAOAG CITY – Nasakit ti nakem ni Barangay Chairman Donde Bayudan iti Brgy. Santo Niño iti ili ti Nueva Era kalpasan a napaluspusan dagiti nagtakaw a suspek iti farm na.
Kuna na a mapan kuma agpakan kadagiti taraken na baboy, pato ken dadduma pay iti farm na ket naipakaammo kenkuana ti karruba na iti farm.
Segun kenni Bayudan, kalpasan nga inbilin ti karruba na a bilangen dagiti pato na gapu ta adda ti nagtakaw ket nakumpirmara a nakurang ti maysa.
Gapu iti daytoy, nagturong ti kapitan iti pagtaengan ti naitudo a nagtakaw ket inadmitir na ti panagtakaw na.
Mainaig iti daytoy, kinumpirmaran ni Bayudan a napaluspusan ti suspek kalpasan a naireport iti PNP Nueva Era ken adda iti naituding a pagasasarita da.
Inbatad na a nasakit tiu nakem na gapu ta iti PNP Nueva Era ti nangiyiskedyul ti panagsasarita da.
Ikarkarigatan met ti Bombo Radyo Laoag nga alaen ti takder ti PNP Nueva Era kalpasan a pinalubusan da dagiti nagtakaw nupay isuda iti nangituding ti panagsasarita da.
Iti mainaig a damag, binigbig ni Barangay chairman Donde Bayudan iti Brgy. Santo Niño iti ili ti Nueva Era ti maysa kadagiti suspek a ni Moris Aguilar.
Kuna na a naipabalud na iti kallabes gapu ti panagubor.
Inlawlawag ni Bayudan nga idi nagtakaw da ket simrek ni Aguilar idinto nga agur-uray ti kadua na iti ruwar ti farm.
Segun kenkuana, naitaray da ti maysa a pato, ti 15 a ribo a pisos, ken ti cellphone na.
