LAOAG CITY – Naragsakan nga inpakammo ni Mr. Oscar Aguilar, ti presidente ti Bonga Pump 1 Irrigators Association iti ili ti Sarrat ti programa ti National Irrigations Administration a Farming Support Service Program 2.0.
Segun kenni Aguilar, dakkel a pangrugyan daytoy iti asosasyon da gapo ta nakaestablisar dan ti kooperatiba.
Ti nasao a program ket nailatangan ti maysa a milyon a pisos no sadinno isuda ti aggatang ti irik manipud kadagiti mannalon.
Inbatad na pay a ti ilako da a bagas ket gatangen ti lokal a gobierno.
Ummuna iti daytoy, kinumpirmaran ni Engr. Joselita De Vera, ti Division Manager ti National Irrigations Administration – Ilocos Norte a ti Farming Support Service Program 2.0 ket gamulwen ti nadakamat nga asosasyon iti ili ti Sarrat.
Inlawlawag ni De Vera a ti 80 % milling rice ket mabalin da nga ilako iti 45 iti kada kilo idinto a ti 20% a magatang ket mausar para iti BBM Rice a mailako iti 29 a pisos.
