LAOAG CITY – Nagballaag ti Food and Drug Administration (FDA) Philippines kontra iti panaggatang ken panagusar iti cosmetic product a maawagan iti “Frudia My Orchard Squeeze Mask – Cactus.”
Basar iti FDA Advisory No. 2024-1097, ti nasao a produkto ket saan a nakarehistro iti ahensia ken awan ti opisial a pammalubos a mausar ditoy pagilian.
Segun iti ahensia, ti pannakausar iti nadakamat a produkto ket mabalin a mangpataud iti peggad iti salun-at kadagiti konsumer gapu ta saan a natingiting daytoy para iti kinatalged ken kinaepektibo.
Binallaagan ti ahensia ti publiko nga agannad ken liklikan dagiti produkto nga awan ti registration manipud iti ahensia, tapno maliklikan dagiti mabalin a parikut iti salun-at.
Nagpalagip ti ahensia kadagiti konsumer a kitaenda dagiti produkto ken siguraduenda nga addaan iti umno a registration ken FDA approved labeling sakbay a gumatang wenno usaren.
