LAOAG CITY – Plano ni Mr. Anthony Gaviola – Federated President ti Public Utility Jeepney ditoy probinsya ti mangisayangkat ti unity walk ken rally kas panangkontra iti resolusyon ti Senado a panangsuspenso iti Public Utility Vehicles Modernization Program (PUVMP).
Daytoy ket kalpasan nga imun-unan a nangisayangkat dagiti driver ken transport cooperatives ti unity walk idiay Quezon City, no sadinno nga umabot iti 10,000 ti nakipagpaset.
Segun ken Gaviola, masapul kuma nga inkonsidera ti Senado ti mabalin nga epekto ti inaramidda a resolusyon.
Kunana a dakkelen ti gastos da iti panag-consolidate, kas iti plete, makan, panagilakad kadagiti papeles a kasapulan, notario,
Pinasingkedan pay ni Gaviola nu ituloy ti Senado ti resolusyon ket mabalin nga agtultuloy met ti unity walk ket mabalin a mangitunda pay ti panagsardeng ti panagbiyaha dagiti jeep drivers.
Inpakaammu na pay a ditoy probinsya ket umaboten iti 90% ti nag-comply iti pammilin ti Department of Transportation ken adda ti dua a ruta ti modern jeep.
Agtultuloy met ti panagpa-aprobar ti grupo tapno manayunan pay dagiti modern jeep ditoy probinsya, gapu ta makaipaay pay daytoy ti panagdur-as ditoy probinsya.
Nu pay kasta, kunana adadu pay laeng dagiti traditional jeep nga umabot iti 500 bayat a ti modern jeep ket adda pakabuklan a 47, 19 iti Laoag-Batac-Paoay ken 28 iti Laoag- Pasuquin.
Iti agdama, iyur-uray da Gaviola ti signal ti Transport Group no ituloy ti senado ti ganuat da ket mapilitan da met nga agrally ken mabalin a saan a malapdan ti gobierno ti kinaadu da.
