Winayawayaan ti Iran dagiti pito a tripulante ti Portuguese-flagged Israeli-linked ship MSC Aries
Pinasingkedan ti foreign ministry ti Portugal ti pannakawayawaya ti lima nga Indian, maysa a Filipino ken maysa nga Estonian manipud iti barko a kinompiskar ti Iranian Armed Forces idi Abril 13.
Mainaig iti daytoy ket adda pay 17 a tripulante a nabati iti nadakamat a barko.
Nupay kasta, ipalubos laeng ti Iran ti pannakawayawaya ti amin a tripulante no umanamong met ti kapitan a pumanaw.
Maipalagip a kinompiskar ti Islamic Revolutionary Guard Corps (IRGC) ti barko ti Iran kalpasan a binumba ti militar ti Israel ti consulate ti Iran iti Syria a nakatayan ti pito a kameng ti elite forces a pakairamanan ti dua a heneralda.
Kabayatanna, agtultuloy ti panangikagumaan ti gobierno ti Portugal a mangwayawaya kadagiti nabati a tripulante ti barko.
