LAOAG CITY – Nakipaset dagiti agtutubo ditoy ciudad ti Laoag iti pannakaisayangkat ti fire Olympics.
Segun ken ni Sang Kabataang Federated President Michael Agustin, masapol a tunggal maysa ket nakasagana ken maamoan no ania dagiti rumbeng nga aramiden no adda ti didigra a sumangbay, kas ti uram.
Inbatad na a daytoy ti kangrunaan a rson no apay a naiwayat ti Fire Activity Youth Response(FAYR) Olympics iti Central Terminal ditoy ciudad ti Laoag.
Inpakaammmo na a ti nasao nga aktibidad ket babaen ti inisyatibo ti Local Youth Development Council (LYDO) iti panangidaulo ni Mr. Harold Domingo ken ti SK Federation ditoy siudad.
Innayon na a ti nasao nga aktibidad ket nakipartisiparan dagiti Sang Kabataan, City Scholars ken Katipunan ng Kabataan.
Kabayatanna, inpakaammo ni Agustin a kabayatan ti aktibidad ket naisuro kadakuada babaen ti Bureau of Fire Protection no ania dagiti aramiden no adda ti mapasamak nga uram, kasanu a malapdan ken ania dagiti mabalin nga ipaay a tulong kadagiti agkasapulan.
Mainaig iti daytoy, inaprisyar ni Mayor James Bryan Alcid ditoy ciudad ti Laoag ti pannakipaset dagiti agtutubo, partikular dagiti SK officials iti naisayangkat a programa a Transformative Youth Empowerment Initiative.
Patien ti Mayor a babaen iti pannakaisuro kadagiti agtutubo iti kanayon a panagsagana ket dakkel ti epekto na iti komunidad. Innayon na a ti pannakasaluad ti kada indibidual ket responsibilidad iti tunggal maysa
