LAOAG CITY – Inpakaammo ni Senior Fire Inspector Ronald Castillo, ti fire marshal ditoy siudad ti Laoag nga adda dagti naestabllisar a First Aid Station Team.
Kuna na a daytoy ket tapno adda dagiti nakasagana nga agresponde nu bilang adda dagiti mapasamak nga insidente.
Segun ken ni Castillo, dua ti naestbalisar a pagtalinaedan ti First Aid Station Team ditoy siudad ti Laoag nu sadino nga adda iti abay met laeng dagiti protect box ti PNP.
Innayun na a manipod iti alas otso agingga iti alas dose ti rabii ti kaadda dagiti team kadagiti nadakamat a lugar.
Kabayatanna, kuna ni Castillo a malaksid ditoy siudad ti Laoag ket adda pay dagiti naestablisar a First Aid Station Team kadagiti nagduduma nga ili ken kangrunaan a makita dagitoy iti masakopan ti national highway.
Inpasingked ni Castillo a ti nasao nga addang ket adda met ti pakainaigan iti panagsagsagana nu bilang agawid ni presidente Feridinand Marcos Jr. ditoy probinsya.
