LAOAG CITY – Nagsublin ti flights ti Philippine Airlines (PAL) idi kalman iti Laoag International Airport (LIA) ditoy ciudad ti Laoag.
Daytoy ti inpakaammo ni Police Capt. Nelson Fantonia, ti Assistant chief iti Laoag International Airport Police Station (LIAPS) ditoy ciudad.
Segun ken ni Fantonia, awan ti naapektaran a flight iti Laoag International Airport idi kalman gapu ta awan ti naka-schedule a flight iti bigat ti Lunes.
Inlawlawag na nga inaldaw nga adda ti flights iti nasao na erupuerto, iti bigat ken rabii malaksid iti Lunes ken miyerkules nga awan ti flight iti bigat.
Inpasigurado na a sipud idi rabii ket awanen ti nagbalin a problema iti erupuerto.
Immunan nga inrakurak ni Fantonia a temporaryo a nasuspenso dagiti flights iti erupuerto gapu ta adda ti technical issues iti air navigation traffic.
