LAOAG CITY – Inpakaammo ni Philippine National Police Chief General Jose Melencio Nartatez Jr. ti agtultuloy a panag-improve ti panagbaba ti focus crimes ita a bulan ti Hulio.
Inbatad ni Nartatez a bimmaba ti focus crimes ti 36.12% idi Hulio ita a tawen maidasig iti napalabas a bulan idi 2025.
Inlawlawagna a manipud iti 3,458 a nairekord nga insidente iti napalabas a tawen ket bimmaba daytoy ti 2,209 ita a tawen.
Naammoan a kadagiti insidente, kadakkelan ti nagbabaanna ti kaso a rape a sinaruno ti motor vehicle, carnapping ken motorcycle theft.
Kuna ni Nartatez a mangipakita daytoy ti agtultuloy a panangikagumaan ti nailian a pulisia kabinnulig ti komunidad ken dadduma pay nga ahensia ti gobierno tapno malappedan ti krimen.
