LAOAG CITY – Bimmaba ti foreign reserves ti Pilipinas idi Marso, gapu iti panagbaba ti gold holdings ken foreign investments ti Bangko Sentral ng Pilipinas.
Basar iti Bangko Sentral ng Pilipinas, ti Gross International Reserves (GIR) ket nagtalinaed iti $107.5 bilion iti panagleppas ti bulan ti Marso 2026, bimmaba manipud iti $113.3 bilion idi Pebrero ita a tawen.
Nupay kasta, ti nasao a lebel ket mangipapaay ti natibker nga external liquidity buffer, a katukad ti 7.1 a bulan a balor dagiti maangkat a tagilako ken bayad dagiti serbisio ken kangrunaan a mapastrek.
Sakupen na pay daytoy ti mamin-3.9 a daras ti short-term external debt maibasar iti residual maturity.
