LAOAG CITY – Inbatad ni Sen. Panfilo “Ping” M. Lacson a dakkel ti maitulong dagiti civil engineers ken ti forensic expertise-da iti panangdeterminar kadagiti palpak a flood control projects ken kadagiti dadduma pay nga imprastraktura kas kadagiti kalsada ken rangtay.
Mainaig iti daytoy, nagpanawagan ni Lacson kadagiti asosassion dagiti civil enginners ti pnagbukelda kadagiti inspection team a mabalin a manginspeksion kadagiti kalsada, rangtay ken kadagiti dadduma pay nga imprastraktura a nadadael gapu kadagiti naglabas a panaglayus no sadinno ket maaramat dagiti forensic analysis-da tapno maamoan no ti pannakadadael dagiti imprastarktura ket gapu iti disenyo wenno ti pannakaaramid dagitoy.
Innayon pay ni Lacson a makatulong dagiti nasao a forensic inspection tapno maamoan no siasinno dagiti nasken nga agsungbat no maamoan nga adda dagiti palpak nga imprastraktura, pakairamanan dagiti contractor, dagiti opisial ti Department of Public Works and Highways (DPWH) ken dagiti politiko a nagkiddaw kadagiti nasao a proyekto.
