LAOAG CITY – Adu a sektor ti masakopan ti Universal Access to Quality Tertiary Education Act wenno Free Tuition in SUC’s Act.
Daytoy ti inbatad ni Sen Bam Aquino nga isu ti ponente ken co-author ti nasao a gakat.
Inpetteng na nga adu ti matulongan na ti nasao nga akta gapu kadagiti tallo a programa na a libre a tuition, scholarship grant para ti pribado a kolehiyo ken unibersidad ken ti student loan program.
Inbatad ni Aquino nga aw-awagan da pay ti akta a revolutionary reform gapu ta makatulong pay kadagiti maseknan ken maaddaan da iti napintas a trabaho.
Kabayatanna, inpakaammo na nga adu dagiti nangted ti opinyon, kritikar ken reaksiyon para iti nasao a gakat ngem ti bersyon nga inpasa ti senador ket isu ti kapintasan.
Innayon na nga awan ti nag-abstain ken awan ti kimmontra iti gakat idi nagbobotosan da iti biang ti senado ken kamara.
