LAOAG CITY – Agparikot dagiti fresh meat vendor gapu ta naladaw ti pannakadeliver dagiti ilakoda a karne ti baboy iti merkado publiko ditoy ciudad ti Laoag.
Daytoy ti inbatad ni Vice Mayor Vicentito Lazo ditoy ciudad.
Agamak da Lazo amangan no ad-adda manen a maladaw ti pannakaideliver dagiti mailako a karne ti baboy iti tiendaan no ti mausar ket ti slaughter house iti Barangay Camanggaan ditoy ciudad ti Laoag.
Nupay kasta, mapagsasaritaan to a naimbag daytoy a banag, pakairamanan dagiti masingir a fee ti kada dingwen a maparti kabayatan ti maiyuswat a public hearing intono Nobyembre 23.
Mainaig iti daytoy, inlungalong ni Konsehal Jason Perera a masapol a manayunan ti meat van a maus-usar nga agbunag iti panagideliver dagiti karne ti baboy ken baka iti merkado publiko ditoy ciudad.
