LAOAG CITY – Gutgutiguten ti lokal a gobierno ditoy ciudad ti Laoag dagiti freshmen student wenno dagiti agad-adal ti 1st year college a residente ditoy ciudad nga agplikar ti scholarship program.
Daytoy ket para kadagiti agbasbasa iti aniaman nga unibersidad ken kolehiyo ditoy probinsia.
Mainaig iti daytoy, nangrugin ti lokal a gobierno ti ciudad a nagawat ti aplikasyon ken agngudo inton Agosto 30.
Mainaig iti daytoy, agturongda laeng iti Laoag City Hall particular iti Mayor’s office wenno Local Youth Development Office ken itugot dagiti requirements a kasapulan kas ti application form, latest 2×2 picture, birth certificate (original ken photocopy), progress report card, ken dadduma pay.
Kabayatanna, ket mabalin a bisaten dagiti mangayat nga agaplikar nga estudiante ti online page ni Mayor Micehal Marcos Keon para iti kanayunan a detalye.
