LAOAG CITY – Ilungalong manen ni Senador Migz Zubiri iti 20th Congress ti gakat a nayon a sueldo para kadagiti mangmangged iti pribado a sektor.
Inbatadna a saan pay a nalpas ti laban para iti pannakaipangato ti sueldo kadagiti mangmangged isu a maminsanna manen nga ilungalong iti sumaruno a Kongreso ti nasao a gakat.
Inlawlawagna a responsibilidadda nga agpanpanday linteg nga idanon ti nabayagen nga iyur-urayda a wage increase.
Maladingitan unay ni Zubiri ti pannakapaay ti 19th Congress nga ipasa ti legislated wage hike a maysa koma kadagiti kapapatgan a tawid nga ibatida.
Kunana nga adu dagiti agbibinnara kadagiti bersion ti Senado ken Kamara ngem no adda ti nasken nga agpalawag no ayanno ti nagbiddotan ket dagiti chairman ti dua a bicameral panels.
Innayon ni Zubiri a kas kangrunaan nga author ti nasao a gakat a P100 wage hike bill ti Senado ken saan laeng a nairaman isuna idi immuna kadagiti miembro ti Senate bicam contingent.
