Inrepaso ti Development Budget Coordination Committee (DBCC) ti medium term macroeconomic assumption ken fiscal program ti gobierno para iti tawen 2024 agingga 2028.
Inaprobaran ti economic team ti gross domestic targets ti pagilian kas sungbat kadagiti rumrummuar a domestic ken global developments.
Para iti daytoy a tawen, agtalek ti Development Budget Coordination Committee a maragpatna ti 6.0 agingga iti 6.5 2024 targets manipud iti dati a growth projection a 6% agingga iti 7%.
Segun kadagiti economic managers ni Presidente Ferdinand R. Marcos Jr., ti growth assumption para iti 2025 agingga 2028 ket para iti nalawlawa a pagilian, para iti manamnama nga epekto dagiti structural reforms ken agbaliwbaliw a domestic ken global uncertainties.
Kabayatanna, agtalinaed ti economic team iti pannakaipatungpal ti Philippine Development Plan 2023-2028, ken ti baro a Create More Act a mangsuporta iti panagdur-as ti ekonomia.
