LAOAG CITY- Bulontaryo nga insuko ni Jenelyn Tulingan, addaan ti umno a tawen ken residente ti ili ti Dingras dagiti ginatang na a siyam a kalding iti agnagan iti Richard Ceredon iti Bgy. Madamba iti met nasao nga ili.
Daytoy ket kalpasan a naamuan na a dagitoy ket napukaw ken mapapati a natakaw idi pay Pebrero 18, 2017.
Kuna ni P/Supt, Relly Arnedo OIC ti Dingras, nakita ni Jerry Dacalen iti Bgy. Guererrro iti nasao met la nga ili, agtagikua kadagiti kalding nga adda ken ni Tulingan isu a nagkamang iti PNP.
Insigida nga inoperasyunan ti PNP ket dita a naamuan a dagiti kalding ket inlako ni Ceredon ken ni Tulingan.
Insigida manen a tinurong dagiti pulis ti pagtaengan ni Ceredon ngem saanda a nakamakam gapu ta idi madlaw na nga adda pulis, nagtartaray iti kammamaisan a paset ti Bgy. Root.
Birbiruken itan dagiti pulis ti suspek a datin nga adda kaso na a panagtatakaw.
