LAOAG CITY – Bassit laeng dagiti masitsita ken matiltiliw ti Philippine National Police nga aggiinom ken nakauyus iti igid ti kalsada ditoy probinsya.
Daytoy ti inbatad ni Provincial Director Police Col. Joemar Labiano.
Inlawlawag ni Labiano nga iti panagpatpatrolya dagiti kameng ti nailian a pulisya iti nagduduma a paset ti probinsya ket manmano laeng dagiti masitsita da nga aggiinom iti igid ti kalsada, kasta pay dagiti nakauyus iti ruwar ti pagtaengan.
Kuna na a mangipakita daytoy a natulnog ti kaadoan a residente ditoy probinsya kadagiti maipatpatungpal a pagannurutan ken ammo da ti makikooperar iti pannakaipatungpal ti programa a Safer Cities Iniatives nga inparuk-at ti Departments of interior and local Government.
Nupay kasta, inpasingked ni Labiano nga itultuloy da latta ti naiget a panangipatungpal da ti nasao a programa.
Kagiddan iti daytoy, kiniddaw ni Labiano iti publiko nga itultuloy da ti sumurot ken agtungpal kadagiti pagannurutan gapu ta amin dagitoy ket para metlaeng iti pagsayaatan ti amin.
