LAOAG CITY – Inbilin ti Sandiganbayan Sixth Division ti 90 nga aldaw a preventive suspension kontra ken ni Uswag Ilonggo Party-list Representative James “Jojo” Ang Jr. mainaig ti kaso a graft a sangsangoenna iti anti-graft court.
Iti babaen ti Section 13 ti Republic Act No. 3019 wenno Anti-Graft and Corrupt Practices Act, mandatory ti panangipataw ti suspension iti siasinoman a public official ti sumangsango iti pormal ken otorisado a kaso ti korapsion kabayatan ti panangusig.
Namunganay ti kaso iti 14 counts ti graft nga inpila ti Office of the Ombudsman kalpasan a rimuar iti imbestigasion nga adda maipagarup a financial interest-na kadagiti kontrata ti Department of Public Works and Highways (DPWH) iti babaen ti panagbalin kas stockholder ken adda koneksionna iti dua a kompania.
Basar iti prosekusion, iti probision ti Article VI, Section 14 ti 1987 US ken Philippine Constitution, naiget nga maipawil kadagiti kameng ti Kongreso nga maaddan ti direkta nga interes wenno gundaway iti aniaman a kontrata iti gobierno iti uneg ti panagserbi iti gobierno.
Ti nadakamat a preventive suspensionket saan pay maibilang kas pannusa no diket maysa laeng a legal nga addang tapno masigurado a saan a mausar ti opisial ti posisionna tapno maimpluwensiaan dagiti testigo ken ebidensia kabayatan ti panangusig ti kaso.
