LAOAG CITY – Agsagsaganan ti gobierno lokal ditoy ciudad ti Laoag seknan iti posible nga epekto ti Bagyo Ramon ditoy probinsya partikular intno Nobyembre 16 wenno Nobyembre 17.
Daytoy ti kinumpirmaran ni Dr. Melvin Manuel, mangidadaulo ti CDRRMO ditoy ciudad ti Laoag.
Segun kenni Manuel, inyuswat da ti Pre-Disaster Risk Assestment babaen ti pammakubos ni Mayor Michael Marcos Keon ken Gov. Matthew Marcos Manotoc.
Inlawlawag na a ti nasao nga assestment ket kitaen da dagiti equipments ken respondents iti nagduduma nga ahensya tapno maamoan da no anya ti kurang ken no anya ti masapol nga isagana da.
Mangnamnama ni Manuel a nakapsot laeng ti epekto ti bagyo ken saan unay a maapektaran ti ciudad kas iti naglabas a Bagyo Ineng.
Binalakadan na met dagiti amin a residente ditoy ciudad a kanayun nga agridam iti manamnama nga isasangbat ti bagyo.
