LAOAG CITY – Sinaludaran ni Gobernador Matthew Marcos Manotoc dagiti nakapasa a baro nga abogado ditoy Ilocos Norte.
Indanonna ti nabara a panangkablaaw na iti Mariano Marcos State University ken Northwestern University kangrunaanna iti College of Law a nakapataud kadagiti nadakamat a baro nga abogado.
Daytoy ket kalpasan ti napintas a nagapoanan dagiti nagturpos iti unibersidad a nakipaset iti Bar Examination a naisayangkat idi bulan ti Nobiembre idi 2019.
Naammoan a sangapulo ket maysa ti nakapasa kadagupan dagiti sangapulo ket lima a nageksamen manipud iti MMSU College of Law idinto nga uppat kadagupan dagiti sangapulo ket innem manipod iti NU College of Law ti nakapasa iti nasao nga eksaminayon.
Nabigbig dagiti bar passers manipud ti MMSU nga isuda Atty. Joeshua Kaye Q. Agcaoili, Atty. Aprille S. Alviarne, Atty. Michael Justin T. Baldugo, Atty. Marvinson Mark B. Dalayap, Atty. Claudette Abigail B. De Lara, Atty. May Encarnina P. Gaoiran, Atty. Philip Victor G. Garvida, Atty. Myko F. Mendoza, Atty. John Nico R. Lucero, Atty. Von G. Pastor, ken Atty. Jerry C. Villegas, Jr. idinto a dagiti passers manipod iti NWU ket da Atty. Kathrine Jessica Calano, Atty. Jo Erika Marquez, Atty. Louisa Que ken ni Atty. Amber Aurelio.
