LAOAG CITY – Simple laeng ti nagbalin a mensahe ni Gov. Matthew Marcos Manotoc iti panagsarita na para iti maika-203 a founding anniversary ti Ilocos Norte.
Segun kenni Manotoc, manarimaan pay laeng ti panag-adjust ti probinsya iti new normal gapo pay laeng iti paspasaran a pandemya gubuay ti covid-19.
Ummuna iti daytoy, naiyuswat ti flag raising ceremony iti sango ti kapitolyo probinsya nga inatendaran ti gobernador ken dagiti kameng ti Sang. Panlalawigan pakairaman dagiti amin nga empleado ti gobierno probinsya.
Nainagunaran pay ti La Tabacalera Food Park no sadinno ket adda pay ti naidisplay a nagduduma a produkto ti probinsya kas iti inabel.
Adda pay ti bisita ti probinsya manipud iti Philippine Tour Operator’s Association Inc. a naggapo iti nagduduma a paset ti pagilyan.
Nagduduma pay nga aktibidad ti maiyuswat para iti selebrasyon ti founding anniversary ti Ilocos Norte iti sumarsaruno pay nga aldaw pakairaman ti special recruiment activity ti Provincial Employement Service Office intono bigat Pebreo 3 agingga iti Pebrero 5 a mangrugi iti alas-otso ti bigat.
