LAOAG CITY – Saan a direkta a sinungbatan ni Governor Matthew Marcos Manotoc ti saludsud kenkuana ti Bombo Radyo Laoag no adda paylaeng ti panagtalek na iti management ti Ilocos Norte Electric Cooperative (INEC).
Daytoy ket gapu iti nakaad-adon a reklamo kontra iti nasao a kooperatiba mainaig iti nangato a singir iti kuryente ditoy probinsya.
Inbatad laeng ti gobernador a ti napateg ket naurnus ken epektibo ti serbisyo ti Ilocos Norte Electric Cooperative kadagiti member-consumers.
Innayon ni Manotoc a mabalin a ti koma saludsud ket no adda paylaeng ti panagtalek dagiti tattao iti Ilocos Norte Electric Cooperative.
