LAOAG CITY – Inbatad ni Atty. Juanito Antonio, maysa a Private Practitioner, a systematic ti pannakaidasar ti ebidensia a maysa a video a naglaon ti pangta ni Vice President Sara Duterte kontra ken ni Presidente Ferdinand Marcos Jr., First Lady Liza Marcos, ken ti dati a House Speker Aartin Romualdez.
Inlawlawag ni Antonio a systematic ken authentic ti pannakaidasar ti video ken nailawlawag a nasayaat ti NBI no kasano da a napaneknekan nga umno daytoy nga inpangta ti Bise Presidente.
Kunana a naurnos ti pannakamarka ti ebidensia a nasurot ti umno a proseso no sadinno a nailawlawag pay no kasano ti pannaka-preserve ti ebidensia gapu ta digital evidence daytoy ket adu dagiti mabalin nga aspeto a saan nga agpaypayso daytoy.
Segun kenkuana a nalawag ken naurnos ti pannakaisayangkat ti forensic exam ti nasao a digital evidence ken nupay nagkiddaw ti defense team ti Bise Presidente ti pannakaipabuya ti video ket kuna ni Antonio a daytoy ket nalawag a pangta.
Inbatadna nga addan iti ima dagiti defense team ti Bise Presidente no kasanoda nga i-examine ti witness tapno maawanan ti bisa iti nasao nga ebidensia tapno rumuar a saan a nakapapati iti pannaka-authenticate-na.
Innayonna pay nga adda ti proseso tapno makita no agibagbaga ti witness ti husto wenno saan no sadinno a makitanto no kasano ti pamay-anda tapno paruaren a saan nga agpaypayso iti nasao a video.
