LAOAG CITY – Nangabak ti maysa a babai manipod iti Virginia iti lotto babaen ti panangusar na ti plate number ti maysa a behikulo a nakita na kabayatan ti panagbiyahe na.
Inlawlawag na a ti numero a 0-8-1-1-6 ket masansan a makita na iti nagduduma a lugar isut gapuna a a napanunot na a tayaan ti lotto.
Saan met a napaay ti saanen a nainaganan a babai gapu ta iti damo a panagtaya na ket nangabak a dagus ti $100,000 prize.
Segun iti babai, mamati a dagiti numero ket mensahe manipod iti universe isut gapuna nga inusar na dagitoy ken nagay-ayam iti Pick 5 night drawing online.
Inadmitir na a saanna a nalapdan ti agdirdir-i idi maamoan na a nangabak iti lotto ken ti inabak na ket dakkel a tulong tapno maminpinsan nga agbaliw ti panagbiagna ken ti pamilya da.
