LAOAG CITY – Madanagan ti grupo a “Save the Children” gapu ta umaboten iti nasurok a 21,000 nga ubbing ti agdama a mapukpukaw idiay Gaza sipud idi nangrugi ti gubat iti nagbaetan ti Israel ken ti militante a Hamas.
Segun iti non-governmental organization, mabalin nga adda nasurok nga 4,000 nga ubbing a mabalin a natupakan ken naitabon iti sirok dagiti narba a pasdek a nadadael bayat ti kangitingitan ti gubat.Idinto nga agarup 17,000 ti mapapati a naisina iti pamiliada bayat ti panagra-ut ti Hamas idi Oktubre 7, 2023.
Segun iti nasao a grupo, a bayat a kumarkaro ti panagivales ti Israel idiay Gaza, umad-adu ti bilang dagiti mapukpukaw nga ubbing.
Maipalagip nga immuna a pinasingkedan ti United Nations a saan a natalged ti Gaza a pagnaedan dagiti ubbing gapu iti nakaro a riribuk.
