LAOAG CITY – Inbatad ni Mr. Reggie Cacuyong, presidente ti Alyansa dagiti mannalon ditoy probinsya a saan da a pabor ti pannakaipangato ti buwis ti sigarilyo ditoy pagilyan.
Inlawlawag na nga isuda ti kangrunaan a kakaasi kangrunaan na ket uray maipangato ti buwis ti sigarilyo ket saan met a maipangato ti presyo dagiti mula da a tabako.
Innayon na a no ngumato ti buwis ti sigarilyo ket mabalin a ngumina met dagiti usaren da nga agtalon ken agpatanor ti tabako.
Inpetteng na a saan a pundo ti naibaga a saanda a maapektaran nga agmulmula ti tabako gapu ta mailako dagitoy idiay abroad ken saan nga isu ti maar-aramid a sigarilyo ditoy pagilyan.
