LAOAG CITY – Nagturong ti grupo ni Governor Matthew Marcos Manotoc kadwa na dagiti department heads iti nagduduma a pagopisinaan iti kapitolyo probinsial idiay Cebu para iti benchmarking.
Segun iti gobernador, gagem ti panagturong da idiay Cebu ket tapno matulongan dagiti mangidadaulo iti nagduduma a departamento a makapartwat wenno makaadaptar iti baro nga ideya para kadagiti maidiaya nga aktibidad, programa ken estilo iti panangidaulo para iti pagsayaatan iti probinsiya.
Kunana a malaksid iti pannakaipaay kadakwada iti napipintas a practice iti local a gobierno ket napagsasaritaan pay dagiti programa ken proyekto a planplanwen da nga iyimplementar iti masangwanan.
Inbatad na a dagiti kadwa na a nagturong idiay Cebu ket ni Vice Governor Cecilia Marcos, pakairamanan ti Provincial Veterinarian a ni Dr. Loida Valenzuela, Mrs. Helen Domingo ti provincial sports officer III, Mr Willie Jake Sib-at ti Youth Developmebt Officer III, Dr Rickson Balalio iti prov health officer ken dadduma pay a mangidadaulo iti nagduduma a pagopisinaan iti gobierno probinsial.
Inpakaammo ti gobernador a ti panagbisita ti grupo iti lugar ket binayadan ni Cebu City Vice Mayor, Atty. Raymond Alvin Neri Garcia a rason met iti napalaos a panagyaman na kadakwada.
