LAOAG CITY – Agpada nga immannugot ti Department of Health (DOH) ken ti National University of Singapore Saw Swee Hock School of Public Health para iti panangputar kadagiti pagannurotan mainaig iti public health research and evidence.
Daytoy ket kas paset ti panangpapigsa iti Universal Health Care Act.
Gagem ti panagtinnulong ti Department of Health ken dagiti eksperto manipud iti Singapore a makabukel ti health programs a maiyannatop iti kasapulan dagiti Pilipino.
Basar iti Department of Health, ti nasao a partnership ket mangpapigsa iti kapasidad ti public health workers ken research networks.
Daytoy ket kas paset pay iti panangsolbar iti infectious diseases ken panagsagsagana iti kalamidad.
