LAOAG CITY – Mabalinen a gundawayan dagiti kwalipikado a pensioners iti Government Service Insurance System (GSIS) ti agingga iti P500,000 a solar energy loan mangrugi intono Setyembre 30 para iti panaggatang ken installation ti residential solar energy system.
Iti babaen ti Ginhawa Solar Energy Loan (GSEL), mabalin a bayadan ti loan iti uneg ti dua agingga iti lima a tawen nga addaan ti 5% annual interest ken awan ti service fee na.
Inbatad ti Government Service Insurance System a mabalin a mangisumitir ti aplikasayon iti babaen ti GSIS Touch mobile app, nga us-usaren met dagiti miyembro ken pensioner para iti loan applications ken dadduma pay a serbisyo.
Segun ken ni GSIS President and General Manager Wick Veloso, gagem ti pannakaipalawa ti programa nga ipaayan dagiti retirado nga empleado ti gobierno ti nayun a wagas tapno maipababa ti magastos da iti kuryente.
