LAOAG CITY – Kinumpirmaran ti Qatar ken Egypt a naawatdan ti sungbat ti Hamas maipapan iti ceasefire deal.
Basar iti Egyptian Ministry of Foreign Affairs, gapu ta umannugoten ti Hamas ken Israel iti peace deal ti Estados Unidos ket agtultuloy ti panangilungalongda agingga a naan-anayen a matungpal ti katulagan.
Naammoan kas mediators ket adalenda dagiti sungbat ken isuda ti makikoordinar kadagiti partido para iti sumaruno nga addang.
Maipalagip a ti nasao a peace deal ket inkiddaw ni United States President Joe Biden nga adda ti sumagmamano a kondision kas ti permanente a panagsardeng ti putukan ken ti pannakawayawaya dagiti hostage ti Hamas.
