LAOAG CITY – Inbatad ni Major Erikson Bolusan, ti pannakangiwat ti Northern Luzon Command iti Philippine Army a maladingitan da iti panagbettak ti helicopter da kabayatan ti panag-take off na iti Tactical Operations Group 2 iti San Fermin, Cauayan, Isabela.
Segun ken ni Bolusan, manarimaan ti night proficiency training dagiti piloto da ken idi ag-take off koman ti helicopter ket kellaat lattan a bimtak.
Inbatad na a ti nakalugan iti nasao nga helicopter ket tallo a piloto ken dua a crew.
Iti agdama, manarimaan ti rescue operation dagiti kameng ti Philippine Army ken nangipaay da ti security iti nakapasamakan ti insidente.
Agpapan maisursurat daytoy a damag ket saan pay a nakaipaay ti naan-anay a detalye ni Bolusan mainaig iti sitwasyon dagiti kakadwa da a nakalugan iti nasao nga helicopter.
