(Update)LAOAG CITY – Ibilang ni P/C/insp. Rodelio santos, Hepe ti Pulisya ti ciudad ti Batac a nasulbaren ti kaso a panagpaltopaltog kadagiti dua nga empleyado ti Regianal Trial Court Branch 65 a nakatayan ti maysa ken nakasugatan ti sabali pay bayat ti kaadda da iti paset ti Bgy. Baay ti nasao a ciudad.
Daytoy ket kalpasan a natiliw idiay Vigan City ti agnagan ti Sherwin Dagupion Rinien, a taga Bgy. Saud iti ili ti Badoc.
Segun ken ni Santos, babaen ti panangitudo ti maysa kadagiti nakalasat a ni Teodoro Dagupion a ti pammati na a nangpalpaltog kadakuada ket ni Sherwin rason nga inoperasyunan da dayoy.
Kuna na nga agpapaay ti suspek iti maysa nga abogado ket idi inbaga na ti ranta da iti daytoy ket natallugod nga inted na ni Sherwin.
Iti agdama ket maiwaywayat ti naun-uneg nga imbestigasyon tapno maamuan no siasinno ti kadua ni Sherwin idi paltopaltugan na da dagiti dua nga empleyado ti korte a a nakatayan ti maysa kadagitoy.
Kabayatan na, nakasagana ni Atty. Joel Marquez iti Bgy Mindoro, Vigan City a makikooperar iti imbestigasyon ti PNP -Batac.
Daytoy ket mainaig iti pammaltog a nakatayan ti maysa ken nakasugatan ti sabali pay nga empleyado ti RTC Branch 65 ditoy ciudad ti laoag a nasapamak iti Bgy. Baay iti ciudad ti Batac.
Segun ken ni Marquez, am-ammo na ni Sherwin Rinien gapu ta kliyente na daytoy iti kaso na a panagikot ti paltog nga awanan ti lisensiya ket gapu ta marigrigat ken awan pagabugado na isu nga iyab-abogaduan na.
Kuna na nga innala na pay ketdi nga agtrabaho kenkuana kas katulong iti opisina na.
Mainaig iti daytoy, paspasingkedan ni Marquez nga idi mapasamak ti pammaltog ket kaduana ni Rinien ken adda makapaneknek a kameng ti PNP a nairana a napan iti opisina na.
Kidkiddawen ti Abogado ti naun-uneg koma nga imbestigasyon mainaig iti nakairamramanan ti kliyente na.
