LAOAG CITY – Adu a taraon ti uso ita nangruna kadagiti Pilipino a mahilig a mangan.
Maysa kadagiti mapagsasaritaan iti agdama ket ti tanghulu wenno glass fruit.
Daytoy ket dagiti prutas a napalikawkawan iti tinunaw nga asukar.
Nupay kasta, nagballaag dagiti eksperto a saan a natalged ti recipe dagiti homemade tanghulu.
Inbatad ti Shriners Children’s Boston, ti panangaramid daytoy ket posible a mangitunda ti serious scald burn.
Iti kinapudnona, gapu iti homemade tanghulu trend iti online, naruay nga ubbing ti naitaray iti emergency room gapu iti nakaro a pannakasinit.
Naammoan a ti tinunaw nga asukar a maikabkabil iti prutas ket nasken nga ipapudot iti at least 300 degrees Fahrenheit tapno ma-achieve ti glass fruit look daytoy.
