LAOAG CITY – Inbatad ti maysa a private lawyer a ni Atty. Juanito Antonio nga adda ti bileg ti House Justice Committee a mangiparuk-at ti subpoena para iti panangsukisok da kadagiti ebidensya mainaig kadagiti reklamo a naipila kontra ken ni Vice President Sara Duterte.
Kuna na nga adda pay ti bileg ti House Justice Committee a mangpalukat iti kahon manipod iti Bureau of Internal Revenue tapno maamoan no ti linaon na ket dagiti ebidensya a birbiruken da tapno maestablisar no adda ti probable cause ti reklamo konta iti bise presidente.
Palawag daytoy ni Atty. Antonio mainaig iti nairakurak ti kampo ni Vice President Duterte, partikular ti asawa na a ni Atty. Manases Reyes Carpio a saan a rebbeng a malukatan ti kahon a nakaipalaonan dagiti tax records da no saan nga iti executive session, in aid of legislation da.
Inpalagip ni Atty. Antonio a ti mandato ti kamara de representantes ket aggapo iti konstitusyon nga isu met ti maibilang a supreme law.
