LAOAG CITY – Inbatad ni Police Executive Master Sergeant (PEMS) Edward Mabutas iti Highway Patrol Group (HPG) a masapol a siguradwen a kompleto ti dokumento ti lugan sakbay nga agbiyahe.
Inlawlawag na a naipagagangayen a ti kangrunaan a biruken dagiti mangimanmando ti checkpoint kadagiti agiturturong ti behikulo ket ti valid a driver’s license ken OR-CR.
Nagballaag ni Mabutas a no mamindua nga aglabsing ti paglintegan ti maysa a motorista ken maireport iti Land Transporatition Office (LTO) ket mabalin a marevoked ti registration ti lugan.
Kabayatanna, inpalgak pay ni Mabutas a saan nga agtalek kadagiti fixers nga agididiaya nga isuda ti agipagna ti papel dagiti mayat a mangala ti driver’s license wenno pannakairenew ti lugan gapu ta adda dagiti manggundaway.
Inpetteng na a mabalin a peke ti ited dagiti maseknan a driver’s license ti maysa a motorista a possible a mangisagmak kadakuada.
