LAOAG CITY – Naiget ti panagmonitor ti Highway patrol Group (HPG) kadagiti motorista nga agikabkabit wenno agun-usar ti led lights ken strobe lights ditoy probinsya.
Daytoy ti inbatad ni Police Lt. Jennifer Sison, ti admin officer ti Highway Patrol Group ditoy probinsya.
Inpakaammo na nga iti panagpatpatrolya da ditoy probinsya kangrunaan na iti rabii ket adon dagiti nakumpiskar da nga strobe lights.
Innayon na a dagiti nakumpiskar da nga strobe lights ket nakapenpen da amin iti opisina da.
Mainaig iti daytoy, nagballaag ni Sison a dakkel ti multa dagiti agus-usar ti strobe lights, malaksid pay ti panangkumpiskar da iti daytoy a ramit.
