LAOAG CITY – Nag-plead guilty ni Hunter Biden iti siyam a counts ti federal tax evasion case na.
Naiparuk-at ti nasao a desisyon kabayatan ti panagsagana ti federal prosecutors ti panangdengngeg da kadagiti kaso ni Biden.
Immunan a naglikudan ti anak ni US President Joe Biden dagiti alegasyon kenkuana a ginandat na a liklikan a bayadan ti $1.4million nga income tax manipod 2016 agingga iti 2019.
Mainaig iti daytoy, inbatad ni Judge Mark Scarsi nga iti panag-plead guilty ni Biden ket sumango iti maximum penalty a 15 a tawen a pannakabalud ken mamulta manipod iti $500,000 agingga iti $1-million.
Naamoan a masentensyaan koma paylaeng ni Biden intono Disyembre 16 ita a tawen kalpasan ti White House election ken sakbay a malpas ti termino ti ama na a ni President Biden.
Maipalagip nga inpatalged ni President Biden a saanna nga usaren ti bilegna tapno maipaayan ti pardon ti anakna.
